កម្មករកម្ពុជា​នៅកូរ៉េ​ខាងត្បូង​ទទូចចង់បាន​ឪកាស​ការងារល្អនៅកម្ពុជា

រូបភាពពី វីអូអេ

ពលករកម្ពុជា​ដែលធ្វើការ​នៅកូរ៉េខាងត្បូងបាននិយាយថា ប្រាក់កម្រៃខ្ពស់ដែលគេរកបាន បាន​ជួយ​សម្រួលបន្ទុកគ្រួសារ របស់​ពួកគេដែលនៅកម្ពុជា ប៉ុន្តែពួកគាត់សង្ឃឹមថា​អាចធ្វើការងារ​ នៅកម្ពុជា ជាជាងនៅកូរ៉េប្រសិនបើលក្ខ័ណអំណោយផល ។

ប្រជាពលករកម្ពុជាប្រមាណជា ៣០,០០០ នាក់កំពុងតែធ្វើការនៅតាម ចំការ កសិដ្ឋាន រោងចក្រ និង ធ្វើ​ការ​តាមផ្ទះ នៅឯប្រទេស​កូរ៉េហើយអាច​រកចំណូលបាន ច្រើនជាងពួកគាត់អាច​រកបាន​នៅ​កម្ពុជា ។ ពួកគាត់អាចរកចំណូលបានទៅដល់ ២,៨០០ ដុល្លារក្នុង១ខែ ។

នៅក្នុងបទសំភាសន៍មួយ ជាមួយវីអូអេ ពលករទាំងនោះ​បាននិយាយ​ថា ពួកត្រូវបង្ខំ​ចិត្តនៅកន្លែង ដ៏សែនឆ្ងាយពីផ្ទះនិងគ្រួសារ ពីព្រោះគ្មានឪកាសនិងលក្ខ័ណត្រឹមត្រូវក្នុងធ្វើនៅកម្ពុជា ។

សិធិត សុវណ្ណ អាយុ៣៤ឆ្នាំដែលកំពុងធ្វើការនៅទីក្រុង​សេអ៊ូលបាននិយាយថា​គាត់បានចាកចេញ ពីខេត្តកំចាមដើម្បីមកធ្វើការងារនៅទីនេះ គាត់អំពាវនាវ​ដល់រដ្ឋាភិបាល​ឲ្យដម្លើងប្រាក់ពលកម្ម ដល់ប្រជាពលករ ដើម្បីកុំឲ្យពួកគាត់សម្រេចចិត្ត មកធ្វើការនៅឆ្ងាយ​ពីផ្ទះបែបនេះ ។ គាត់​បានបន្តថា "ពួកយើងគួរតែ ទទួលបានកម្រៃគ្រប់គ្រាន់ ក្នុងការចិញ្ចឹមគ្រួសារ" ។

"ការឆ្លងដែនរបស់ខ្ញុំ គឺដើម្បីបង្កើនប្រាក់កម្រៃ ពួកយើងមិនអាចរស់នៅដោយពឹងផ្អែក ទៅលើឪពុកម្តាយ​ និងបន្តការធ្វើស្រែចំការ បន្តពីពួកគាត់តាម​បែបបុរាណទៀតបានទេ ការឆ្លងដែនរបស់ខ្ញុំបានជួយអភិវឌ្ឍដល់ជីវភាពគ្រួសាររបស់ខ្ញុំបានច្រើន" ។

សុខ វ៉ាន់ថា អាយុ២៨ឆ្នាំមកពីខេត្តកំពតបានមកធ្វើការនៅកូរ៉េខាងត្បូង​អស់រយៈពេល២ឆ្នាំ​។​ នៅក្នុងបទសំភាសន៍តាមរយៈ Skype គាត់បាននិយាយថា "ខ្ញុំបានបញ្ចប់មហាវិទ្យាល័យតែខ្ញុំអាច​រកបានត្រឹមតែ៧០ដុល្លាប៉ុណ្ណោះ វាមិនគ្រប់គ្រាន់ទេក្នុងការចាយវាយប្រចាំ​ថ្ងៃ ដូច្នេះហើយ​ខ្ញុំក៏​សម្រេចចិត្តមកធ្វើការនៅកូរ៉េ ។

ប្រាក់ចំណូលរបស់គាត់នៅកម្ពុជា​គឺប្រហាក់ប្រហែលនិងពលករធ្វើការដោយកម្លាំងដែរ។  ប្រាក់ចំណូល​ របស់កម្មករ កម្មការីកាត់ដេរ អាចទទួលបាន៦០ដុល្លាក្នុងមួយខែ​ ហើយទោះប្បី​ជាមានការតម្លើងដល់៨០ដុល្លាក្នុងមួយខែក៏ដោយ ការធ្វើបាតុកម្មតែង​កើតមាន​ជារើយៗ ពួកគេនិយាយថាមិនអាចផ្គត់ផ្គង់ជីវភាព បានគ្រប់គ្រាន់នោះទេ។

ក្នុងការធ្វើសន្ទរកថាពេលថ្មីៗនេះ លោកនាយករដ្ឋមន្រ្តីហ៊ុនសែនបានមានប្រសាសន៍ថា និងតម្លើង​ប្រាក់ខែឲ្យឡើងដល់៨០ដុល្លាក្នុងមួយខែ។ គាត់បានបន្តថាកម្មករមួយចំនួនអាចដោះស្រាយ​ជីវភាពបាននិងអាចផ្ញើរប្រាក់ទៅផ្ទះបានខ្លះ។ ប៉ុន្តែអ្នកនាំពាក្យកណៈបក្សប្រឆាំងបាននិយាយ​ថា​ប្រាក់កម្រៃប៉ុណ្ណឹងមិនអាចឲ្យពួកគេដោះស្រាយជីវភាពបានទេ។

នៅកូរ៉េខាងត្បូង សុខ វ៉ាន់ថា បាននិយាយថា​គាត់អាចគាត់អាចធ្វើការដោយប្រើកម្លាំង ហើយ​អាច​រកប្រាក់បានច្រើនគួរសម ប៉ុន្តែគាត់បានជុំរុញឲ្យប្រជាជនកម្ពុជា​ព្យាយាមរៀនសូត្រ​​និង​យល់​ដឹងឲ្យ​បានច្រើនពីបញ្ហានយោបាយ។

វ៉ាន់ថាបន្តថា "ប្រសិនបើយើងយល់ដឹងច្បាស់ពីនយោបាយ ហើយបោះឆ្នោត​ឲ្យអ្នកតំណាង​ដ៏​ត្រឹមត្រូវ ​​យើង​អាច​ជួយឲ្យប្រទេសមានការអភិវឌ្ឍន៍យ៉ាងល្អ ហើយប្រាក់កម្រៃក៏កើនឡើង ហើយក៏មានការងារច្រើនសម្រាប់ពលរដ្ឋ" ។

បកប្រែពី Voa Cambodia