នៅព្រឹកថ្ងៃទី ៥ ខែ វិច្ឆិកានេះសិស្សផ្នែកទំនាក់ទំនងសង្គម និង សារព័ត៌មាននៃ សាលាបច្ចេកទេសដុន បូស្កូខេត្តព្រះសីហនុ និង ខេត្តកែប បានចុះធ្វើកម្មសិក្សានៅ វិទ្យុ ៩មករា ៩៩.៧០ MKH ខេត្តកំពតដែលជាវិទ្យុមួយ ដែលមានការពេញនិយមខ្លាំងជាងគេនៅខេត្តកំពត។
ការចុះកម្មសិក្សានោះ ត្រូវបានធ្វើឡើងរយៈពេល១ម៉ោង ចាប់ពីម៉ោង ៩ ដល់ម៉ោង ១០ ព្រឹក។ កម្មសិក្សានេះធ្វើឡើងក្នុងគោលបំណងឲ្យសិស្សានុសិស្ស បានមកមើលផ្ទាល់និងជួបសម្ភាសន៍ផ្ទាល់ ជាមួយប្រធាន និងបុគ្គលិកធ្វើការក្នុងស្ថានីយ៍វិទ្យុ ព្រោះមុខវិជ្ជាវិទ្យុក៏មានបញ្ចូល នៅក្នុងការសិក្សាក្នុងផ្នែកទំនាក់ទំនងសង្គម និង សារព័ត៌មានផងដែរ ដែលបង្រៀនដោយគ្រូស្ម័គ្រចិត្តគឺលោកតា Wolfgang និងលោកគ្រូ Michael ដែលជាជនជាតិអាឡឺមង់។
នេះជាកម្មសិក្សាមួយដែលល្អ ដែលជួយឲ្យសិស្សានុសិស្សបានយល់កាន់តែច្បាស់ ក្នុងការធ្វើការក្នុងវិទ្យុ យល់ដឹងពីតម្រូវការដើម្បីក្លាយជាពិធីករ ឬ ជាបុគ្គលិកដែលល្អ ក្នុងការបម្រើការក្នុងបុស្តិ៍វិទ្យុ ដែលបញ្ជាក់ឲ្យឃើញពីការលូតលាត់ នៃប្រព័ន្ធផ្សព្វផ្សាយក្នុងព្រះរាជាណាចក្រកម្ពុជាផងដែរ។
0 comments:
Post a Comment