ផ្កាដែលមានទំហំធំជាងគេ

ពពួក​ផ្កាដែលមាន​ឈ្មោះថា រ៉ាហ្វលេស៊ា (Rafflesia) គឺជា​ផ្កា​ដែល​បាន​ចាត់ទុក​ថា​ជា​ផ្កា​ដែល​មាន​ទំហំ​ធំជាងគេ​លើ​ពិភពលោក។ វា​អាច​លូតលាស់​ជារង្វង់​ដល់​ទៅ​មួយម៉ែត ហើយ​មាន​ទំងន់​ប្រហែល ១១​គីឡូ​ម៉ែត។ វាជា​ពពួក​រុក្ខជាតិ​បរាសិត ​ដែលតោង​ជាប់​រុក្ខជាតិ​ផ្សេងទៀត​ហើយ​ស្រូបយក​សារធាតុ​បំប៉ន។ ពេលដែលផ្កា រ៉ាហ្វលេស៊ា រីក​វាបញ្ចេញ​នូវក្លិន​ដ៏ស្អុយ ដូចជា​សាច់​រលួយដែរ។ វាជា​ប្រភេទ​រុក្ខជាតិ​ដែល​មាន​នៅតែ ព្រៃ បេងគូឡូ នៃកោះ​ស៊ូម៉ាត្រា នៃប្រទេស ឥណ្ឌូនេស៊ី និង ម៉ាឡេស៊ី​តែប៉ុណ្ណោះ។



ប្រភពៈ​ Briskinfo.com

អានបន្ត

កុំព្យូទ័រជាអ្វី?

កុំព្យូទ័រ​គឺជាម៉ាស៊ីន​ដែលអាច​ឲ្យយើង​ធ្វើ​ការងារ​បានយ៉ាង​ច្រើន​ដូចជា វាយ​អត្ថបទ ​ធ្វើ​ការ​គណនា​លេខ​ ស្តាប់ចំរៀង មើលភាពយន្ត លេងហ្គេម ធ្វើការរចនា ផ្ទុកនិងរក្សាទុកទិន្នន័យ បញ្ជូន​ព័ត៌មាន​ឲ្យគ្នា ស្វែងរក​ព័ត៌មាន​លើ​បណ្តាញ​អ៊ីនធឺណេត​ជាដើម។ សព្វថ្ងៃ​នេះ​កុំព្យូទ័រ​គឺជាម៉ាស៊ីន​ជំនួយ​ដ៏​សម្ខាន់ របស់មនុស្ស​ដែល​​មិនអាច​ខ្វះបាន​ចំពោះ​ការងារ​មួយចំនួនធំ ដែល​ការចេះ​នូវជំនាញ​កុំព្យូទ័រ​គឺជា​កត្តា​ដ៏ចម្បង​មួយ ដែល​អាចជួយ​សម្រួល​ដល់ការងារ​របស់​លោកអ្នក។

អានបន្ត

កេរ្តិ៍ដំណែលបទចំរៀងលោក ស៊ីន ស៊ីសាមុត (ទាញយក​សៀវភៅ)

ដើម្បីទាញយក​សៀវភៅ កេរ្តិ៍ដំណែលបទ​ចំរៀង លោក​ ស៊ីន​ ស៊ីសាមុត សូមចុចត្រង់នេះ


នេះជាសៀវភៅមួយ​ដែល​បង្កើតឡើង​ដោយ​ដក​ស្រង់​ចេញពី​ទំព័រវីគីភីឌាខ្មែរ ដែល​និយាយ​អំពីស្នាដៃបទចំរៀង​របស់ លោក​ ស៊ីន ស៊ីសាមុត​ដែល​ជា​កំពូល​តារា​ចំរៀង​នៃប្រទេស​កម្ពុជា​ ដែល​បទចំរៀង​របស់​លោក​នៅតែ​ទទួល​ការ​គាំទ្រមិន​ចេះបញ្ចប់​មក​ទល់​និង​សម័យ​បច្ចុប្បន្ននេះ។

អានបន្ត

រឿង បុរស ៤ នាក់ជីកកំណប់មាស

មាននិទាន​មួយដំណាល​ថាៈ មានបុរស ៤ នាក់បបួលគ្នា​ទៅជីក​កំណប់​មាស​ជាមួយ​គ្នា លុះ​ជីក​ទៅ​បាន​មាស ​១ ក្រឡ ហើយ​យក​មាស​នោះ​មក​ចែកទាំង ៤ នាក់​ស្មើគ្នា​សល់​តែមាស ១ ដុំ ហើយ​ចៅ​ទាំង ៤ នាក់​ដណ្តើមគ្នា ជជែក​គ្នា​ពុំដាច់​ស្រេច​ក៏នាំគ្នា ទៅរក​ចៅក្រម ចៅក្រម កាត់​សេចក្តី​នេះ​ពុំ​បាន ទើប​នាំគ្នា​ទៅក្រាប​បង្គំទូល​ព្រះមហាក្សត្រ​ដោយ​ដំណើរ​ទីទៃៗ។ ព្រះមហាក្សត្រ​ទ្រង់​ឲ្យ​យក​ចប​ចៅ​ទាំង ៤ នាក់នោះ​មកថ្លឹង ចប​ចៅ​ទាំង ៣ នាក់​មាន​ទម្ងន់ស្មើគ្នា​ ប្លែក​តែ​ចប​ចៅ​ម្នាក់​ធ្ងន់​លើស​គេ ទើប​ព្រះអង្គ​ឲ្យ​មាស ១ ដុំ​នោះ​ទៅ​ចៅ​កាន់​ចប​ធ្ងន់នោះ ចៅ​ទាំង ៤ ក៏​យល់​ព្រម​តាម​រៀងៗខ្លួន។



ដកស្រង់​ពីៈ សៀវភៅប្រជុំរឿងព្រេងខ្មែរ

អានបន្ត

វីដេអូ​ទទួល​សិស្ស​ឆ្នាំសិក្សា​ថ្មី​នៅ​សាលា​ដុន​ បូស្កូ​កម្ពុជា

នេះជា​វីដេអូ​មួយនិយាយ​អំពី​ការ​ទទួល​សិស្ស​ថ្មី​នៅ​សាលា​ដុន បូស្កូនៅ​កម្ពុជា​ដែល​ធ្វើ​ឡើង​ ដោយ​សិស្ស​ផ្នែក​ទំនាក់​ទំនង​សង្គម​និង​សារ​ព័ត៌មាន នៃ​សាលា​បច្ចេក​ទេស​ដុន បូស្កូ ខេត្ត​ព្រះសីហនុ​ និង ខេត្ត​កែប។

អានបន្ត

Facebook កំពុង​រកចំណូល​ជាច្រើន​តែអ្នក​ប្រើប្រាស់​មិនពេញចិត្ត​

បណ្តាញ​ទំនាក់ទំនង​សង្គម Facebook កំពុង​តែរកចំណូល​បាន​យ៉ាង​និង​កើន​ឡើង​ជា​ប្រចាំ ជា​រៀង​រាល់​ត្រីមាស​ដោយ​ការ​ផ្សព្វផ្សាយ​លើ​គេហទំព័រ​របស់​ខ្លួន តែ​អ្នក​ប្រើប្រាស់​ហាក់​មាន​ភាព​មិន​ពេញ​ចិត្ត ​ចំពោះ​​ការបង្ហាញ​ស្លាក​ផ្សព្វផ្សាយ​ច្រើន​ឡើង​លើ​គេហទំព័រ​មួយនេះ។

យោង​ទៅ​តាមរបាយការណ៍​ដែល​ផ្សាយចេញ​ដោយ​គេហទំព័រ ​Business Insider បាន​បង្ហាញ​ឲ្យឃើញថា​អ្នកប្រើប្រាស់ ​Facebook ភាគ​ច្រើន​មាន​ការ​មិន​សប្បាយចិត្ត​ជាមួយ​ការ​បង្ហាញ​ស្លាក​ផ្សព្វផ្សាយ​ទាំងនោះ។ ដែលបណ្តាញ​សង្គម LinkedIn មាន​ចំនួន​ត្រឹមតែ ២៣% និង Twitter មានត្រឹមតែ ១២% នៃ​អ្នកប្រើប្រាស់​ដែលមាន​ការ​មិនពេញ​ចិត្តជាមួយ​និង​ការ​ផ្សព្វផ្សាយ​លើ​បណ្តាញ​សង្គម​ទាំងនោះ។

Facebook បាន​ប្រកាស​ថា​រកបាន​ចំណូល ១.៦ ពាន់លាន​ដុល្លារ​ក្នុង​ត្រីមាស​ទី២ តាមរយៈ​ការ​ផ្សព្វផ្សាយ​ ដែល​ស្មើ​និង ៨៨% នៃ​ចំណូល​សរុប។





ប្រភពពីៈ Softpedia

អានបន្ត

ស្ពានដែល​មាន​កម្ពស់​ខ្ពស់ជាង​គេ​លើ​ពិភពលោក

រូបភាពនៃ​ស្ពាន ស៊ី ឌូ

សម្រាប់​កំណត់​ត្រាពិភពលោក​របស់យើង​ក្នុងសប្តាហ៍នេះ បណ្ណាល័យ អនឡាញ និង​លើក​យក​ពី​ស្ពាន​ ដែលមាន​កម្ពស់​​ខ្ពស់ជាង​គេ​លើ​ពិភពលោក (គិតត្រឹមថ្ងៃ ២៧ កក្កដា ២០១៣)។

ស្ពាន Si Du River Bridge មានកម្ពស់​ច្រើនជាង ១៦០០ ហ្វីត(៤៨៧.៦៨ ម៉ែត) គឺជា​ស្ពាន​ដែលមាន​កម្ពស់​ ខ្ពស់ជាង​គេ​លើ​ពិភពលោក។ ស្ពាន​នេះ​មាន​ទីតាំង​នៅជ្រលង​នៃទន្លេ Si Du នៅខេត្ត Hubei នៃ​សាធារណរដ្ឋ ប្រជាមានិតចិន។ ស្ពាននេះ​ត្រូវបាន​បើកនៅ​ថ្ងៃទី ១៥ ខែ មិថុនា ឆ្នាំ ២០០៩ ហើយ​បាន​ជាប់​ជាស្ពាន​ដែលមាន​កម្ពស់​ខ្ពស់ជាង​គេ ដែល​បាន​រចនា​មាន​រាង​ជា​អក្សរ​H​យ៉ាង​អស្ចារ្យ​ដោយ​ក្រុមហ៊ុន CCSHCC Second Highway Consultants Company, Ltd. ដែលថ្លៃ​ចំណាយ​ប្រមាណ​ជា ១០០ លាន​ដុល្លារ​អាមេរិច (ប្រភពពី www.highestbridges.com)។

អត្ថបទដោយៈ អ៊ឹង គាហេង
ប្រភពៈ www.briskinfo.com 

អានបន្ត

វិដេអូ កាតព្វកិច្ចយុវជនក្នុងសង្គម

នេះជាវីដេអូមួយដែល​ធ្វើឡើង​ដោយ​​សិស្ស​ផ្នែក​ទំនាក់ទំនង​ សង្គម​និង​​សារព័ត៌មាន​ នៃ​​សាលា​បច្ចេក​ទេស​ ដុន បូស្កូ ខេត្តព្រះសីហនុ។ ដែល​និយាយ​​ពី​កាតព្វកិច្ច​យុវជន​ក្នុងការ​ទៅ​ចូលរួម​បោះឆ្នោត នៅថ្ងៃទី ២៨ ខែ​ កក្កដា ខាងមុខ​នេះ។

អានបន្ត

លោក Arsene Wenger និងបន្តនៅ​ជាមួយ​ Arsenal

រូបភាពពី​: The Guardian

គ្រូបង្វឹក ​Arsene Wenger នឹងបន្ត​កិច្ចសន្យា​នៅ ក្លឹប កាំភ្លើង​ធំ Arsenal រហូត​ដល់​កុងត្រា​របស់​គាត់​បញ្ចប់​នៅ​រដូវកាល​ក្រោយ។

គ្រូបង្វឹក​រូបត្រូវ​បានចាប់​អារម្មណ៍​ដោយក្លឹប Paris St-Germain ។ ទោះ​ជាយ៉ាងណា​ក៏ដោយ​លោក​បាន​បដិសេធ​ សំណើរ​ដោយ​បាន​បង្ហាញ​ពី​ការស្រលាញ់​របស់​លោក​ចំពោះ ក្លឹប Arsenal ដែលលោក​បាន​ធ្វើការ​នៅក្លឹប​មួយ​នេះ​អស់​រយៈពេល ១៧​ឆ្នាំ​កន្លងមក។ លោកបាន​និយាយ​ថា “ បេះដូង​របស់ខ្ញុំ​នៅ​តែ​នៅ​ជា Arsenal ខ្ញុំបាន​តាំងចិត្ត​នៅជាមួយ​ក្លឹប​មួយនេះ បន្ត​ទៀត​ហើយ​បាន​ពិភាក្សា​ជាមួយ Ivan Gazidis ពី​កុងត្រា​របស់​ខ្ញុំ​​រួចហើយ ”។​

Gazidis​ បាន​បង្ហាញ​ពីឆន្ទៈ​ចំពោះ Arsene Wenger ថា​ជាបុរស​ដែល​អាច​គ្រប់គ្រង​ក្លឹប Arsenal បន្ត​ទៅ​ទៀត​។ លោក Arsene Wenger បានបន្ត​ថា​គាត់ចង់​យក​ពានរង្វាន់​ឲ្យក្លឹប Arsenal ក្រោយ​ពីក្លឹប​មិនបាន​ទទួល​ពានរង្វាន់​អ្វីសោះ​ តាំងពី​ឆ្នាំ​ ២០០៥។

ប្រភពព័ត៌ The Guardian បានបន្តថាលោក Arsene Wenger មិនបាន​បង្ហើប​ពីដំណើរ​ការទិញ​ដូរ​កីឡាករ​ ដែល​មាន​ដូចជា Gonzalo Higuain របស់ Real Mardrid, Wayne Rooney របស់ Manchester United, និង Luis Suarez របស់ Liverpool នោះទេ។





ប្រភពព័ត៌មានៈ The Guardian 
ប្រែសម្រួលៈ អ៊ឹង គាហេង

អានបន្ត

រីករាយ​ជាមួយ​ គេហទំព័រ​ បណ្ណាល័យ អនឡាញ

រូបភាព​ផ្សព្វផ្សាយ

សូមអរគុណចំពោះការ​តាម​តាន​ របស់​អស់លោកអ្នក​នាង​ ដែលជា​កំលាំងចិត្តនៃ​ បណ្ណាល័យ អនឡាញ សូមរង​ចាំ និង តាមតាន​នៅការអភិវឌ្ឍន៍របស់ ទំព័រ​មួយ​នេះជាបន្ត សូមអរគុណ។

អានបន្ត

កីឡាករ កូឡូ ធួរ៉េ បានមកចូល​រួមជាមួយ​ហង្សក្រហម លីវើផូល ជាស្ថាពរ

រូបភាពពីៈ www.mirror.co.uk

ខ្សែការពារ​កណ្តាល កូឡូ ធួរ៉េ បានក្លាយជា​កីឡាករ របស់ លីវើផូល ពេញលេញ ក្រោយ​ពី​កិច្ចសន្យា​របស់គាត់​ជាមួយ មែនឆែស្តឺ ស៊ីធី ត្រូវបាន​បញ្ចប់។

ការព្រម​ព្រៀងនេះ ត្រូវបាន​ធ្វើឡើង​មុនពេល ការបើក​ទ្វារទិញ​ដូរកីឡាករ ​តែ​ត្រូវ​រងចាំ​ដល់ពេល​ដែលការ​ទិញដូរ​​មកដល់។

“វាមានន័យ​ណាស់​សម្រាប់ខ្ញុំ គឺ ខ្ញុំចូលរួមជា​មួយនិងក្លិប ដ៏ធំមួយ​នៅអង់គ្លេស។ ពេលដែល​ចាកចេញ​ពី មែនឆែស្តឺ ស៊ីធី វាជា​ការសម្ខាន់​ដែលខ្ញុំ អាចបន្ត​លេងនៅ ព្រីម៉ាលីច ព្រោះនេះ​ជាលីច ដែល​ល្អបំផុត ហើយវាជា​ការប្រសើរ​ណាស់ ដែលខ្ញុំអាច​ចូលរួម​ជាមួយ​និង លីវើផូល។ ខ្ញុំ​ជ្រើសរើស មកកាន់ ក្លិប ហង្សក្រហម លីវើផូល ពីព្រោះ ប្រវត្តិសាស្រ្តដ៏រុងរឿង កម្លាំងចិត្ត និង មនុស្ស​គ្រប់​គ្នា​នៅ​ទីនេះ។” កូឡូ ធួរ៉េ ធ្វើការសម្ភាសន៍ ជាមួយ liverpoolfc.com។

កីឡាករ​ចំណូលថ្មី របស់ លីវើផូល រួមមាន កូឡូធួរ៉េ លូវីស, អាល់បឺតូ, អាយកូ អាស្ផ៉ា, និង ស៊ីម៉ុន មីចនូលេត សុទ្ធតែបាន​មកហាត់​សម​សម្រាប់​ក្លិបនៅឯ មេលវូត។




បកប្រែដោយៈ អ៊ឹង គាហេង
ដកស្រង់ពីៈ Espn.com

អានបន្ត

សាលាបច្ចេកទេស ដុន បូស្កូ ខេត្តព្រះសីហនុ

រូបសំណាក់​ លោកពុក​ បូស្កូ

សាលាបច្ចេកទេស ដុន បូស្កូ ខេត្តព្រះសីហនុ គឺជា​សាលា​អង្គការ​ក្រៅរដ្ឋាភិបាល​មួយដែលជួយ​ដល់​យុវជន យុវនារី កម្ពុជា​ដែលពុំមាន​លទ្ធភាព​ទៅបន្ត​ការសិក្សា​នៅសកលវិទ្យាល័យ​នានា។

សាលា​បច្ចេកទេស ដុន បូស្កូ ខេត្តព្រះសីហនុ មានទីតាំងនៅ ផ្លូវអូរប្រាំ ក្រុមទី១៣ មណ្ឌល៥ សង្កាត់៤ ខ័ណ្ឌមិត្តភាព ក្រុងព្រះសីហនុ។ សាលា ដុន បូស្កូ ចាប់ផ្តើម​​បង្កើត​ឡើង​​នៅ​ឆ្នាំ១៨៥៤ ​ដោយក្រុម​គ្រួសារ​​សាលេស៊ាន នៅ​ប្រទេស​អ៊ីតាលី​​ដោយលោក​​ឪពុក បូស្កូ។ ហើយ​នៅ​​ទសវត្ស៍​ឆ្នាំ​១៩៩០ សាលាបច្ចេក ដុន បូស្កូ ក៏បាន​​កកើតឡើង​​នៅលើទឹកដី​​ខេត្ត​ព្រះសីហនុ​។ អស់រយៈពេល​​ជាច្រើនឆ្នាំ សាលា​បច្ចេកទេស ដុន បូស្កូ ខេត្តព្រះសីហនុ​​បាន​​បណ្តុះបណ្តាល យុវជនក្រក្រី និង កំព្រា ឲ្យមាន​ចំណេះដឹង​ខ្ពស់​​ផ្នែកបច្ចេកទេស ​និងមាន​​ការងារល្អៗ​​ធ្វើចាកផុត​​ពីភាព​ក្រីក្រ ហើយ​កំពុងតែ​​បម្រើ​ការ​​នៅតាម​​ស្ថាប័ន​នានា ក្នុងមុខដំណែង​​ដ៏ល្អ​ប្រសើរ។ ដោយភាព​ជោគជ័យ​​ទាំងនេះ​​សាលាមួយនេះ​​ក៏ទទួល​បាន​នូវ​ភាព​​ល្បីល្បាញ និង ការទទួលស្គាល់​​គុណភាព​​នៃការ​​បណ្តុះ​បណ្តាល​ និងវិន័យដ៏ល្អ មកទល់និង​ពេលបច្ចុប្បន្ន ដែល​​សាលា​​បច្ចេកទេស ដុន បូស្កូ នៅតែបន្ត​​សកម្មភាព​​របស់ខ្លួន​​ក្នុងការ​​បណ្តុះបណ្តាល យុវជនក្រីក្រ និង កំព្រា ឲ្យទទួល​បាន​​ចំណេះដឺង​​ផ្នែកបច្ចេកទេស អប់រំចិត្តគំណិត មានជំនាញ​​ច្បាស់លាស់ និង មានការងារ​​ដែល​​ល្អ​ប្រសើរ​​​នៅក្នុងជីវិត​​​របស់​ពួកគេ។

មកទល់ពេល​បច្ចុប្បន្ន សាលាបច្ចេកទេស ដុន បូស្កូ ខេត្តព្រះសីហនុ​​​នៅតែបន្ត​​ទទួល​​​សិស្សានុ​សិស្ស​​​ជារៀង​រាល់​ឆ្នាំ​​ដែលមាន ៥ផ្នែកសម្រាប់​​ជ្រើសរើស​​សិក្សា​ដូចជាៈ

•  ផ្នែកយន្តសាសទូទៅ
•  ផ្នែកយន្តសាសរថយន្ត
•  ផ្នែកអគ្គីសនី
•  ផ្នែកលេខាធិការ
•  ផ្នែកទំនាក់ទំនងសង្គម និង សារព័ត៌មាន

សាលា ដុន បូស្កូ ខេត្តព្រះសីហនុ

លោកពុក ចន វីសឺ និង លោក​ពុក លី សំណាង

សាលាសណ្ឋាគា ដុន បូស្កូ

សិស្សទំនាក់ទំនងសង្គមជំនាន់ទី៦

ផ្នែកទំនាក់ទំនងសង្កមនិងសារព័ត៌មាន

ថ្ងៃប្ររព្ធពីធីបុណ្យ ណូអែល នៅសាលាដុន បូស្កូ ២០១២

អានបន្ត

Facebook នឹងបញ្ចប់​ការផ្សព្វផ្សាយ​ឲ្យទំព័រដែល​មានលក្ខណៈ​មិនសមរម្យ

ប្រព័ន្ធទំនាក់​ទំនងសង្គម Facebook មាន​គម្រោង​បង្កើតប្រព័ន្ធ​ដែលរៀប​ចំទំព័រ និង ក្រុមនៅ​ក្នុង Facebook ដែលផ្ទុក​ទៅដោយ អត្ថបទ និង រូបភាព​មិនសមរម្យ​ដូចជា​រូបភាព​អាសអាភាសន៍ ​ឲ្យ​ចូល​ទៅ​ក្នុង​តារាង blacklist ដោយ​ស្វ័យប្រវត្តិ។ ប្រព័ន្ធ​នេះ​និងចាប់ផ្តើម​ដំណើរការ​នៅថ្ងៃទី ១ ខែ៧ ខាងមុខ​នេះនៅពេល​ដែល​ស្លាកផ្សព្វផ្សាយ​និងត្រូវបានបិទ​ចំពោះទំព័រទាំងនោះ។

"យើង​និងស្វែងរក​និង​បន្តឹងបិទ​ការឃោសនា​មិនឲ្យ​បង្ហាញ​ឡើង​នៅលើទំព័រ​ឬក្រុម​ដែលផ្ទុក អត្ថបទ និងរូបភាព មិនសមរម្យ។ មុននិង​មានវិធានការ​នេះកើត​ឡើង ទំព័រដែល​ផ្ទុក​រូបភាព និង ផលិត​ផល​អាសអាភាសន៍​បានមាន​សិទ្ធិក្នុងការបង្ហាញ​ការឃោសនា​របស់ខ្លួន​នៅផ្នែកខាង​ស្តាំនៃទំព័រ"។



បកប្រែអត្ថបទដោយៈ គាហេង
ប្រភពពីៈ Softpedia.com

អានបន្ត

បុរស ៤ នាក់រៀនសិល្បសាស្ត្រ

មាននិទានមួយថាៈ មានបុរស ៤ នាក់ទៅរករៀន​សិល្បសាស្រ្ត អំពីព្រាហ្មណ៍​ជា​ទិសា​បាមោ​ក្ខា​ចារ្យ ​នៅ​តក្កសិសាមហានគរ ។ បណ្តាបុរសទាំង ៤ នាក់ បុរសម្នាក់ រៀនទាយ បុរសម្នាក់​រៀនបាញ់ បុរស​ម្នាក់រៀនមុខទឹក បុរសម្នាក់រៀន​ជប់អោយ​រស់ឡើងវិញ។ អ្នកទាំង ៤ នាក់សឹងរៀន​ទីទៃៗ ពីគ្នា លុះរៀនចប់ហើយ​ក្រាបលា​ទិសាបាមោក្ខាចារ្យ​ជាគ្រូទៅ​ស្រុកវិញ លុះចេញ​ដើរ​ទៅ​ដល់​ពេល​ល្ងាច​ឈប់សម្រាក​ដេកនៅ​ឆ្នេរសមុទ្រ។ ព្រឹកឡើង​បុរស​ចេះហោរ​និយាយ​នឹងបុរសទាំង ៣ នាក់ថា “អ្នកអើយ ! ពេលនេះ​យើងនឹង​មាន​លាភ​ដោយ​សត្វឥន្រ្ទី​ពាំ​នាំ​យក​កូន​ស្តេចមួយ​ព្រះអង្គ អំពី​ពារាណសី មហានគរ ហើរមក​ទៀបលំនៅ​យើងនេះឯង”។ បុរសទាំង ៤ នាក់​គិតគ្នា​ហើយក៏​ឃ្លាំចាំ​មើល​ដោយ​ទិសទីទៃៗ ដ៏កាល​នោះ​ពុំយូរ​ឡើយ​សត្វឥន្រ្ទី​ក៏ពាំនាំ​នាងហើរ​មកទៀង​ប្រាកដឆុត​ដូចហោរ​ទាយ​នោះមែន បុរសចេះ​បាញ់ក៏​ដំឡើងធ្នូបាញ់ ត្រូវសត្វ​ឥន្រ្ទីនោះ​ធ្លាក់នាង​អំពីមាត់ ចុះ​ទៅ​ក្នុងទឺកសមុទ្រ អ្នកចេះមុជទឹក ក៏មុជចុះ​ទៅស្រង់​យកនាង​ឡើងមក​បានដូច​បំណង ឯ​អ្នក​ចេះ​ជប់ បានជប់នាង​នោះឲ្យ​រស់​ឡើងវិញ។ កាលនាង​មានជីវិត​រស់ឡើង​វិញហើយ អស់អ្នកទាំង ៤ នាក់នោះ​ដណ្តើម​គ្នាចង់យកនាង​ជាភរិយា​តែរៀងៗខ្លួន។ អស់អ្នកទាំង ៤ នោះ​ឈ្លោះ​ប្រកែក​ជជែក​គ្នា​មិនដាច់ស្រេច​ក៏នាំគ្នា​ទៅប្តឹង​ដល់ចៅក្រម ដោយដំណើរខ្លួនទីទៃៗ ហើយ​សួរចៅ​ក្រមថា "នាង​នេះ​តើត្រូវ​បានជា​ប្រពន្ធនរណា? “។

ចៅក្រមជំនុំ​ពិចារណា​រឿងនេះ​ពុំបាន ក៏នាំអ្នកទាំង ៤ ឡើងក្រាបបង្គំទូល ព្រះមហាក្សត្រ ដោយ​ដំណើរ​សព្វ​គ្រប់ប្រការ។ ព្រះមហាក្សត្រ ទ្រង់​ពិចារណា​ឈ្វេងយល់​ក្នុងព្រះរាជ​ហឬទ័យថា “ ព្រះស្ដែង​ទាំង ៤ នេះ សឹងមាន​គុណ​ប្រសើរ​ដូចៗគ្នា ហើយ​ទ្រង់ត្រាស់​បង្គាប់ថា បុរស​ចេះហោរ​ត្រូវ​ទុក​ជាគ្រូ បុរសចេះបាញ់​ត្រូវទុក​ជាឪពុក បុរស​ចេះប្រោះ​ឲ្យរស់​ត្រូវទុក​ជាម្តាយ បុរស​ចេះ​មុជទឹក​ដែល​គេបាន​ស្ទាប​បានកាន់​អស់​អង្គនាង បាន​បី​បម​ថ្នម យក​នាងឡើង​មកអំពីទឹក ត្រូវ​បាន​នាងជា​ប្រពន្ធ​ “។

លុះចំណេរ​ទៅមុខបុរសជា​ប្ដីបានជា​ស្តេចក៏​ចិញ្ចឹម​រក្សា​អ្នកទាំងបី​ដោយនូវ​គន្លង​ព្រះមហាក្សត្រ​ទ្រង់​ត្រាស់​បង្គាប់​នោះ ។

អានបន្ត

រឿង បុរស៣នាក់ ធ្វើទូកឈ្មួញឲ្យលិច

មាន​និទានមួយថាៈ មានបុរស៣នាក់ សុំ​ដោយសារ​ទូកឈ្មួញ​ទៅ បុរសមា្នក់​យក​ឈើ​ដូចជា ដងសាដៀវ​មកដេញ​ធ្វើជាភ្លេង បុរសម្នាក់​ទៀតកាលបើ ឭ​គេ​ដេញសាដៀវ​ធ្វើ​ភ្លេង​ដ៏​ពិរោះ​ដូច្នោះ​ហើយ​ ក៏ទះដៃ ឭសូរ​ស្រួយពិរោះ បុរស​ម្នាក់ទៀត​ឭសូរ​គេទះដៃ ពិរោះ​ដូច្នោះ ក៏​ក្រោកឈរ​ឡើង​រាំ​រំពេន​បត់បែន រត់​ទៅមក​លើទូក។ ទូកនោះ ក៏ឃ្លេងឃ្លោង ផ្អៀង​ក្រឡាប់​លិចទៅ ខូច​បង់​របស់​ទ្រព្យ​ឈ្មួញអស់។ ឈ្មួញ​បន្តឹង​ឲ្យបុរសទាំង ៣ នាក់ សង​ទ្រព្យសម្បត្តិ​ដែល​លិចលង់ ទៅ​ក្នុង​ទឹក​បាត់​អស់​នោះ។

ឯបុរស​ទាំង ៣ នាក់ ឈ្លោះ​ប្រកែក​បន្ទោស​គ្នា​ទៅវិញទៅមក ឲ្យ​រក​ទ្រព្យ​សងឈ្មួញ។ បុរស​ម្នាក់​និយាយ​ថា “ព្រោះហេតុ​តែចៅ​នេះរាំ បាន​ជាទូក​ឃ្លេងឃ្លោង​ទាល់តែ ក្រឡាប់​លិច​ទៅ​ត្រូវឲ្យ​ចៅ​នេះ​ឯង​រកទ្រព្យសងគេ”។ បុរស​អ្នករាំ​នោះឆ្លើយថា "ព្រោះហេតុ​តែ​ចៅ​នេះ​ទះដៃ​ឭសូរស្រួយ​ពិរោះ បាន​ជា​ខ្ញុំក្រោកឈរ​ឡើងរាំ ត្រូវឲ្យចៅ​នេះរក​ទ្រព្យសងគេ"។ បុរស​អ្នក​ទះដៃ​បន្ទោស​ទៅ​បុរស​ម្នាក់ទៀត​ថាៈ “ព្រោះហេតុ​តែចៅ​ដេញសាដៀវ ធ្វើបទភ្លេងសម្លេង ពិរោះបាន​ជាខ្ញុំទះដៃ​តាម ចង្វាក់ភ្លេង ត្រូវឲ្យចៅនេះឯង រកទ្រព្យសងគេ”។ ឯបុរស​អ្នក​ធ្វើភ្លេង​ឆ្លើយ​ឡើងថា “ខ្ញុំធ្វើភ្លេងមែនពិតប៉ុន្តែ ទូកឥតកម្រើក​ឃ្លេងឃ្លោងសោះ មកពីចៅនេះ​ទះដៃ​ឭសូរ​ពិរោះ បានជាចៅ ម្នាក់​ទៀត​ក្រោកឈររាំ ធ្វើឲ្យទូកលិចលង់ ខូចបង់របស់​ទ្រព្យគេអស់ ដូច្នេះ ត្រូវតែចៅទាំង ២ នាក់​នេះ​រកទ្រព្យសងគេ”។

បុរសទាំង ៣ នាក់ចេះ​តែ​បន្ទោស​គ្នា​ទៅវិញទៅមក គ្មានអ្នកណា​សុខចិត្ត រក​ទ្រព្យ​សងឈ្មួញ​ម្ចាស់​ទូក​ឡើយ ទើបនាំ​គ្នាទៅប្តឹង​ចៅក្រម។ ចៅក្រម​ជំនុំ​មិនដាច់ស្រេច​ក៏នាំរឿងនេះ ទៅ​ក្រាប​បង្គំ​ទូល​ព្រះមហាក្សត្រ​​តាមដំណើរ តាំងពីដើម​រហូតដល់ចប់។ ព្រះមហាក្សត្រ​ទ្រង់​ព្រះចិន្តា​ពិចារណា កាត់ក្តី​បុរសទាំង ៣ ធ្វើជាភាគៗ ចែកឲ្យ​សងទ្រព្យ​ឈ្មួញនោះ ព្រះអង្គមាន​ព្រះបន្ទូលថា “ ព្រះស្តែង​អ្នកធ្វើ​ជា​បទភ្លេង​នោះឲ្យសងភាគ ១ ឯព្រះស្តែង​អ្នកទះដៃ​ឲ្យសងភាគ ២ ចំណែក​ព្រះស្តែង​ដែល​ក្រោក​ឈរ​ឡើង​រាំឲ្យសងភាគ៣ “។ បុរសទាំង ៣ នាក់ទទួល​ព្រះសុខចិត្ត តាម​បន្ទូល​នោះហើយ ក៏​ក្រោក​ថ្វាយបង្គំ​លាទៅ​លំនៅទីទៃៗ។ ព្រះមហាក្ស​ត្រកាត់​សេចក្តី​យ៉ាងនេះ ហៅ​សុគិតមនំហោង ។

អានបន្ត